’میری بیوی کم حسین نہیں‘ مقابلہ حسن میں شریک ماڈل کے شوہر نے فاتح حسینہ کا تاج نوچ کر توڑ ڈالا

برازیل میں ایک مقابلہ حسن کے فائنل نتائج میں ماڈل کو دوسرا نمبر ملنے پر اس کا شوہر غصے میں  اسٹیج پر پہنچ گیا،مقابلے کی فاتح کا تاج چھین کر اسٹیج پر ہی توڑ ڈالا۔

سوشل میڈیا پر وائرل ہونے والی ویڈیو میں دیکھا جا سکتا ہے کہ اسٹیج پر فائنلسٹ ماڈلز موجود ہیں اور مقابلے کی فاتح کا تاج بھی اسٹیج پر لایا جاتا ہے۔

Revolta na final do concurso Miss Brasil Gay 2023. Torcedor arranca coroa da vencedora e joga no chão durante a cerimônia de premiação. pic.twitter.com/rb6duFvAEn

— Bruno Guzzo® (@brunoguzzo) May 28, 2023

 مقابلے کی فاتح کے نام کا اعلان ہوتا ہے اور اسٹیج پر موجود ماڈل تاج پہنایا جا رہا ہوتا ہے عین اسی وقت دوسرے نمبر پر آنے والی ماڈل کے شوہر دوڑتے ہوئے اسٹیج پر آتے ہیں اور تاج چھین کر اسٹیج پر پھینک دیتے ہیں۔

ویڈیو میں واضح طور پر دیکھا جاسکتا ہے کہ تاج کو پھینکنے کے بعد ماڈل کا شوہر اسے کھینچتے ہوئے فاتح سے دور لے جاتا ہے اور پھر سے تاج کو اٹھا کر مکمل طرح سے توڑ دیتا ہے۔