پاکستان میں مون سون بارشوں سے 55 ہلاکتیں، سیلاب کا خطرہ برقرار

پاکستان میں مون سون بارشوں کے نتیجے میں جمعرات کو 12 افراد کی ہلاکت کے بعد پانی سے متعلق حادثات میں ہلاکتوں کی تعداد 55 ہو گئی ہے اور فلیش فلڈ کے خطرہ بھی برقرار ہے۔

پنجاب کے دارالحکومت لاہور میں ریکارڈ توڑ بارشیں ہوئیں جو بدھ کےروز سے شروع ہوئیں، ان بارشوں سے گلیاں اور سڑکیں پانی سے بھر گئیں اور معمولات زندگی درہم برہم ہوئے، لاہور میں بارش کے دوران مختلف واقعات میں 19 شہری ہلاک ہوئے۔ لاہور میں ابھی مزید بارش کی پیشگوئی کی جا رہی ہے۔

خیبر پختونخوا کے ضلع شانگلہ میں مارتونگ کے علاقے میں پہاڑی تودہ گرنے سے 8 بچے ہلاک ہو گئے۔

بارشوں کے نتیجے میں دریا بھی معمول سے زیادہ بھر گئے ہیں اور صوبائی ڈیزاسٹر مینجمنٹ اتھارٹی نے سیلاب کے خطرے کا الرٹ جاری کردیا ہے۔

پچھلے سال بھی بارشوں کے بعد دریاؤں میں طغیانی سے سیلاب آیا تھا جس نے ایک تہائی پاکستان کو ڈبو دیا تھا، اس سیلاب میں 1739 افراد ہلاک ہوئے تھے۔

حکومت نے کہا تھا کہ سیلاب سے 30 ارب ڈالر نقصان ہوا ہے۔