کراچی کے لیے 5 سالہ ترقیاتی پروگرام، سندھ کے 4 شہروں کے لیے 38 ارب روپے، MQM نے مطالبات وزیراعظم کو پیش کر دیے

ایم کیوایم نے بجٹ کیلئے وزیراعظم کو شہری سندھ کیلئے مطالبات پیش کردئیے،ذرائع کے مطابق ایم کیوایم نے بجٹ میں کراچی کیلئے 5سالہ ترقیاتی پلان کا مطالبہ کیاہے ،ایم کیوایم کے ارکان قومی اسمبلی کیلئے ترقیاتی فنڈزبھی مانگ لئے ۔کراچی ،حیدرآباد ، میرپورخاص، سکھرکیلئے 38ارب روپے کے فنڈزکی فراہمی اور کے فور منصوبہ ایس آئی ایف سی کی نگرانی میں مکمل کرنے کامطالبہ بھی کردیا۔

ذرائع ایم کیو ایم نے بتایا کہ ایم کیو ایم پاکستان نے نئے بجٹ میں وزیراعظم شہباز شریف سے شہری سندھ کیلئے اپنے مطالبات پیش کئے،ایم کیو ایم نے وفاقی حکومت کے پہلے ہی بجٹ میں کراچی کیلئے پانچ سالہ Socio Economy Development Plan کا مطالبہ کیا ہے۔

ایم کیو ایم کا کہنا ہے کہ ایم کیو ایم کے پاس کوئی صوبائی حکومت نہیں ہے لہٰذا وفاق ایم کیو ایم کے ایم این اے کو ترقیاتی فنڈز جاری کرے،ایم کیو ایم نے بالخصوص کراچی، حیدرآباد، میرپورخاص سکھر اور نواب شاہ کی ڈیولپمنٹ کیلئے وفاق سے براہ راست 38 ارب روپے مانگ لئے۔

ذرائع ایم کیو ایم کے مطابق ایم کیو ایم نے مطالبہ کیا ہے کہ کامیاب جوان یوتھ پروگرام کے ذریعے کراچی اور حیدرآباد سمیت سندھ کے شہری علاقوں کے نوجوانوں کو بلا سود قرض فراہم کیے جائیں۔

ایم کیو ایم نے وزیراعظم سے  یہ بھی مطالبہ کیا ہے کہ اس سال K-4 کو مکمل فنڈز کی فراہمی یقینی بناتے ہوئے SIFIC کی نگرانی میں پایہ تکمیل تک پہنچایا جائے، گریٹر کراچی سیوریج پلان (S-III) کی بھی اسی سال تکمیل کو بھی یقینی بنایا جائے۔

ایم کیو ایم کی ایک اور ڈیمانڈ یہ ہے کہ اس سال کے بجٹ میں گرین لائن پروجیکٹ کی توسیع کے ساتھ بلیو لائن پروجیکٹ اور کراچی سرکلر ریلوے پروجیکٹ کیلئے بھی فنڈز رکھے جائیں،کراچی پورٹ سے پپری تک فریٹ کوریڈور سمیت بن قاسم پر ٹیکسٹائل سٹی پروجیکٹ کی تکمیل کیلئے بھی فنڈز مختص کئے جائیں۔