عید پر دہشتگردی کا بڑا منصوبہ ناکام، داعش کی خاتون رکن سمیت 9 دہشتگرد گرفتار، سی ٹی ڈی کا دعویٰ

کاؤنٹر ٹیررزم ڈیپارٹمنٹ ( سی ٹی ڈی) نے عید الاضحیٰ پر دہشت گردہ کا بڑا منصوبہ ناکام بنانے اور تین شہروں سے 9 دہشتگرد گرفتار کرنے کا دعویٰ کیا ہے۔

سی ٹی ڈی حکام کا کہنا ہے کہ تین حساس شہروں سے داعش کی خاتون سمیت 9 دہشت گرد گرفتار کئے گئے، انٹیلی جنس بیسڈ کارروائی ملتان ، بہاولپور اور ڈی جی خان میں کی گئی۔

سی ٹی ڈی حکام کا کہنا ہے کہ کارروائی کے دوران گرفتار 9 دہشت گردوں کا تعلق کالعدم تنظیم سے ہے، گرفتار خاتون بھی کالعدم داعش کے نیٹ ورک کی متحرک رکن ہے۔

سی ٹی ڈی حکام کا کہنا ہے کہ دہشت گردوں سے ہینڈ گرینیڈ،خودکش جیکٹ بنانے کا سامان اور نقدی برآمد ہوئی۔دہشت گردوں کی شناخت عدنان ، عبدالحلیم ، شیراز ، بلقیس ، عمر بن خالد کے نام سے ہوئی۔

سی ٹی ڈی حکام کا کہنا ہے کہ کالعدم تنظیم کے نیٹ ورک عید الاضحی پر دہشت گردی کا منصوبہ بنارہے تھے،دہشت گردوں کے خلاف مقدمات درج کرکے تفتیش شروع کردی گئی۔

سی ٹی ڈی حکام نے بتایا کہ رواں ہفتے 124 کومبنگ آپریشنز کیے گئے،کومبنگ آپریشنز میں 11 مشتبہ افراد کو گرفتار کیا گیا۔سی ٹی ڈی شرپسند عناصر کی سرکوبی کے کوشاں ہے۔