ابرار احمد اور کامران غلام نے ٹیسٹ سکواڈ دوبارہ جوائن کر لیا

قومی کرکٹرز ابرار احمد اور کامران غلام نے ٹیسٹ اسکواڈ کو دوبارہ جوائن کرلیا۔ ابرار احمد اور کامران غلام نے بنگلہ دیش ‘اے’ کے خلاف پاکستان شاہینز کے لیے چار روزہ میچ کھیلا تھا۔۔شاہین شاہ آفریدی نے بھی پہلے ٹیسٹ کے بعد اسکواڈ سے ریلیز ہونے کے بعد دوبارہ اسکواڈ کو جوائن کرلیا ہے۔

شاہین آفریدی کی گھر بیٹے کی پیدائش ہوئی تھی جس کے باعث ان کو اسکواڈ سے ریلیز کیا گیا تھا،عامر جمال کو این سی اے میں فٹنس پر کام مکمل کرنے کے بعد دوبارہ اسکواڈ میں شامل کر لیا گیا۔

عامر جمال کی دوسرے ٹیسٹ میں شرکت فٹنس کلیئرنس سے مشروط ہوگی،پاکستان اور بنگلہ دیش کے درمیان دوسرا ٹیسٹ میچ 30 اگست سے راولپنڈی کرکٹ اسٹیڈیم میں شروع ہوگا۔