میری ٹائم چیلنجز سے نمٹنے کے لیے بحریہ اور فضائیہ میں تعاون ضروری ہے، ائیر مارشل وقاص سلہری

ائیر مارشل وقاص احمد سلہری نے کہا ہے کہ پاک فضائیہ جدید ٹیکنالوجی سے لیس سامان حرب کے حصول پر خصوصی توجہ دیتی ہے

ترجمان پاک بحریہ کے مطابق پاکستان ائیرفورس کے ائیرمارشل وقاص احمد سلہری نے پاکستان نیوی وارکالج کا دورہ کیا،نیول وار کالج آمد پرکمانڈنٹ پاکستان نیوی وار کالج ریئر ایڈمرل جاوید اقبال نے معزز مہمان کا استقبال کیا۔

پاک فضائیہ کے ایئرمارشل وقاص احمد سلہری نے پاکستان نیوی وار کالج میں خطاب کیا،اس موقع پران کا کہناتھا کہ ابھرتے ہوئے سیکیورٹی چیلنجز سے نبرد آزما ہونے کے لئے موثر فضائی قوت انتہائی اہمیت کی حامل ہے،پاک فضائیہ جدید ٹیکنالوجی سے لیس سامان حرب کے حصول پر خصوصی توجہ رکھتی ہے،میری ٹائم آپریشنز کومزید بہتر بنانے کے لیے پاک بحریہ اورفضائیہ کے مابین ہم آہنگی ناگزیر ہے۔