آذربائیجان نے نگورنو کاراباخ کے باغی آرمینی باشندوں کو 24 گھنٹے کے اندر ہتھیار ڈالنے پر مجبور کردیا

آذربائیجان کی جانب سے انکلیو پر کنٹرول حاصل کرنے کے لیے آپریشن شروع کیے جانے کے 24 گھنٹے بعد جس میں درجنوں افراد ہلاک اور سینکڑوں زخمی ہوئے، نگورنو کاراباخ میں نسلی آرمینی باشندوں نے بدھ کے روز جنگ بندی کے لیے روسی تجویز پر اتفاق کیا ہے۔

کاراباخ میں علیحدگی پسند آرمینیائی فورسز نے کہا کہ آذربائیجان نے ان کی لائنوں کو توڑ دیا ہے اور کئی چوٹیوں اور اسٹریٹجک سڑکوں پر قبضہ کر لیا ہے اور دنیا الگ تھلگ کھڑی تھی، کسی نے نے کچھ نہیں کیا۔

خود ساختہ “ریپبلک آف آرٹسخ” نے کہا کہ ایسے حالات میں اس کے پاس دوپہر 1 بجے (بدھ کو مقامی وقت کے مطابق) سے لڑائی ختم کرنے کے سوا کوئی چارہ نہیں تھا۔  آرٹسخ جمہوریہ کے حکام روسی امن دستے کی جنگ بندی کی تجویز کو قبول کرتے ہیں، نگورنو کاراباخ میں تعینات روسی امن دستے کی کمان کی ثالثی کے ساتھ، 20 ستمبر 2023 کو 13:00 بجے سے دشمنی کے مکمل خاتمے پر ایک معاہدہ طے پایا۔

آذربائیجان نے منگل کو نگورنو کاراباخ کے خلاف آپریشن شروع کیا جب اس کے کچھ فوجی مارے گئے جس کے بارے میں باکو کا کہنا ہے کہ پہاڑی علاقے سے ہونے والے حملے تھے، جس کی آذربائیجان نے نو ماہ سے ناکہ بندی کر رکھی تھی۔

ناگورنو کاراباخ کو بین الاقوامی سطح پر آذربائیجان کا حصہ تسلیم کیا جاتا ہے۔