آصف زرداری نے پارٹی رہنماؤں کو مسلم لیگ ن پر تنقید سے روک دیا، بلاول کو بھی تعلقات بہتر بنانے کی ہدایت

آصف زرداری نے پیپلز پارٹی کو مسلم لیگ ن کے مخالف بیانات سے روک دیا۔ سابق صدرنے ہدایت جاری کی ہے کہ حکومت سازی سے قبل ن لیگ پر تنقید نہ کی جائے، آصف زرداری نے  بلاول بھٹو کو ن لیگ  سے  معاملات بہتر کرنے کی  بھی ہدایت کی ہے۔

پارٹی ذرائع نے بتایا کہ آصف زرداری نے پیپلزپارٹی کے مرکزی و صوبائی رہنماوں کو واضح احکامات جاری کئے ہیں کہ حکومت سازی سے قبل ن لیگ پر تنقید نہ کی جائے۔

پارٹی رہنماؤں کو ہدایت کی گئی ہے کہ ن لیگ سے متعلق شائستگی کا مظاہرہ کیا جائے،سابق صدر نے ن لیگ سے دوطرفہ تعلقات بہتر کرنے کی ہدایت کی ہے۔

پی پی قیادت نے ایک سنیئر رہنما کی لاہور میں پریس کانفرنس پر اظہار برہمی کیا اور ن لیگ بارے سخت الفاظ  کےاستعمال پر پی پی رہنما کی ڈانٹ ڈپٹ کی گئی۔

پارٹی رہنما نے پریس کانفرنس میں ن لیگ کو شدید تنقید کا نشانہ بنایا تھا،پی پی قیادت نے پارٹی رہنماوں کو ن لیگ بارے محتاط رویہ اپنانے کی ہدایت کی ہے۔

پارٹی ذرائع کا کہنا ہے کہ آصف زرداری انتخابی مہم میں سخت زبان کے استعمال پر بلاول بھٹو سے بھی ناراض تھے، آصف زرداری نے  بلاول بھٹو کو ن لیگ  سے  معاملات بہتر کرنے کی ہدایت کی،آصف زرداری کی ہدایت پر بلاول بھٹو نےشہباز شریف کا استقبال کیا۔