بابر اعظم نومبر میں دلہا بنیں گے

قومی کرکٹ ٹیم کے کپتان اور سٹار بیٹر بابر اعظم بھی جلد شادی کے بندھن میں بندھ جائیں گے۔ ان کی شادی اپنی خالہ کی بیٹی سے طے پائی ہے۔کرکٹ کے مغل اعظم بابر اعظم  کی شادی کی تیاریاں شروع ہو گئی ہیں۔

خاندانی ذرائع کے مطابق بابر اعظم کی شادی بھارت میں ہونے والے کرکٹ ورلڈ کپ کے بعد ہوگی۔ بابر اعظم   دسمبر میں ہونے والے پاکستان کے آسٹریلیا ٹور سے پہلے دلہا بنیں گے اور زیادہ امکان یہی ہے کہ ان کی شادی نومبر میں ہوگی۔

قومی کرکٹ ٹیم کے کپتان دنیائے کرکٹ میں انوکھا مقام رکھتے ہیں اور ان کی کوور ڈرائیو کی تو دنیا دیوانی ہے۔

خاندانی ذرائع کے مطابق بابراعظم کی شادی کی تقریبات لاہور میں ہو ں گی۔