باچا خان ایئر پورٹ پر طیاروں سے پرندے ٹکرانے کے متعلق آگاہی مہم کا آغاز

پشاور ائرپورٹ پر جہازوں سے پرندے ٹکرانے کے بارے عوامی آگاہی مہم کا آغاز کردیا گیا۔
ترجمان سی اے اے کے مطابق پشاور کے باچا خان انٹرنیشنل ائیرپورٹ پر انوائرمنٹل کنٹرول آفیسر کی سربراہی میں ٹیم نے مہم کا آغاز کردیا،شہر کی معروف چورنگیوں اور شاہراہوں پر آگاہی بینر اور پوسٹر آویزاں کردیے گئے،مہم کا مقصد اگاہی پھیلانا ہے کہ ہوائی جہاز سے پرندوں کا ٹکرانا حادثہ کا سبب بن سکتا ہے،بینرز پر ہوائی اڈے کے قریب رہنے والوں سے عیدالاضحٰی پر صفائی کا اہتمام کرنے کی اپیل کی گئی ہے،بینرز پر ائرپورٹ کے اطراف کیفے، ہوٹل مالکان وغیرہ سے بھی صفائی کے حوالے سے اپیل کی گئی ہے،برڈ اسٹرائیک آگاہی مہم کسی نہ کسی شکل میں سال بھر جاری رہتی ہے،عید الاضحیٰ اور مون سون کے قریب آتے اس میں تیزی آتی ہے۔