دنیا
بورس جانسن کو پارلیمنٹ سے نکال دینا چاہئے، ایوان کی استحقاق کمیٹی کی سفارش

برطانیہ کی پارلیمانی کمیٹی نے کہا کہ سابق وزیراعظم بورس جانسن کو کووڈ 19 لاک ڈاؤن پارٹیوں سے متعلق جان بوجھ کر پارلیمان کو گمراہ کرنے کی کوشش پر پارلیمان سے نکال دینا چاہئے۔
برطانوی پارلیمان کی استحقاق کمیٹی نے 100 سے زائد صفحات کی رپورٹ میں کہا گیا ہے کہ بورس جانسن سے ڈاؤننگ سٹریٹ میں ہونے والی پارٹیوں سے متعلق کئی بار سوال کیا گیا اور انہوں نے ہر بار پارلیمان کو گمراہ کیا۔
بورس جانسن نے اس رپورٹ کو جھوٹ کا پلندہ قرار دیا ہے اور اپنی بیگناہی پر اصرار کیا ہے۔
پارلیمانی کمیٹی کی رپورٹ میں کووڈ لاک ڈاؤن کے دوران 10 ڈاؤننگ سٹریٹ میں ہونے والی چھ پارٹیوں کی تفصیل دی گئی ہے، پارلیمانی کمیٹی میں دونوں جماعتوں کی نمائندگی ہے، کمیٹی نے کہا کہ ہم نے نتیجہ اخذ کیا ہے کہ بورس جانسن نے پارلیمان کو جان بوجھ کر گمراہ کر کے سنگین توہین کا ارتکاب کیا۔ ہم سفارش کرتے ہیں کہ وہ سابق رکن کی حیثیت سے بھی پارلیمان میں داخلے کے پاس کے مستحق نہیں۔
پارلیمانی کمیٹی کی رپورٹ میں کہا گیا کہ بورس جانسن نے ہاؤس اور کمیٹی دونوں کو گمراہ کرنے کی کوشش کی، ہاؤس کا اعتماد مجروح کیا۔
رپورٹ میں کہا گیا کہ اگر جانسن بدستور رکن ہوتے تو ان کی 90 دن کی معطلی کی سفارش کی جاتی۔ بورس جانسن اس رپورٹ کی ایڈوانس کاپی دیکھنے کے بعد پچھلے ہفتے رکنیت سے مستعفی ہو گئے تھے۔
بورس جانسن نے اپنے خلاف کارروائی کو انتقامی قرار دیا اور کہا کہ 10 ڈاؤننگ سٹریٹ میں ہونے والے ایونٹس ضروری تھے کیونکہ ہم اس وقت ایک وبائی صورت حال سے نمٹ رہے تھے۔
بورس جانسن کا موقف ہے کہ ان کی بات نہ مانی جائے، میٹروپولیٹن پولیس سے پوچھ لیا جائے، جس نے ان پارٹیوں کی تحقیقات کیں، میٹرو پولیٹن پولیس نے مجھے کبھی بھی کسی غلط کام کا ذمہ دار نہیں ٹھہرایا۔
-
کھیل1 سال ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل1 سال ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین9 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
دنیا2 سال ago
آسٹریلیا:95 سالہ خاتون پر ٹیزر گن کا استعمال، کھوپڑی کی ہڈی ٹوٹ گئی، عوام میں اشتعال
-
پاکستان9 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
ٹاپ سٹوریز2 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
تازہ ترین10 مہینے ago
پی سی بی نے انٹرنیشنل ٹیموں کے قیام کے لیے عمارت خرید لی
-
کالم2 سال ago
اسلام میں عبادت کا تصور