کوئٹہ سے براہ راست حج پروازوں کا آغاز

بلوچستان سے عازمین حج کے لئے حجاز مقدس کا سفر آسان ہوگیا،کوئٹہ سے براہ راست قبل ازحج پروازوں کا آغاز ہوگیا۔

ترجمان سول ایوی ایشن اتھارٹی کے مطابق کوئٹہ انٹرنیشنل ایئرپورٹ پر ایک اور سنگ میل طے کرلیا گیا،کوئٹہ سے براہ راست حج پروازوں کا آغاز کردیا گیا۔

پی کے 747 نے کیٹگری-II نئے رن وے پر گزشتہ رات پہلی نائیٹ لینڈنگ کی،یہی پرواز بعدازاں 145عازمین حج کو لے کر براہراست مدینہ کے لئے روانہ ہوئی۔

رات میں کوئٹہ ائرپورٹ کے نئے کیٹ-ٹو رن وے پر اترنا انتہائی خوشگوار تجربہ تھا،اس سے پہلے پی کے 6133 اور 6137 تین سو عازمین حج کو لے کر مدینہ روانہ ہوئیں تھیں۔

 اس سے قبل کوئٹہ سے عازمین حج کو پہلے کراچی کا سفر کرنا پڑتا تھا،حال ہی میں اپ گریڈڈ 12,000 فٹ لمبے رن وے کی بدولت براہ راست پروازیں ممکن ہوئیں۔

نئے رن وے پر CAT-II جدید ایئر فیلڈ لائٹنگ سسٹم سے ہر قسم کے موسمی حالات میں آپریشنز کو یقینی بناتا ہے،نئے رن وے کی بدولت وائیڈ باڈی جہاز (بوئنگ 777 اور اس کے مساوی) اب کوئٹہ ائرپورٹ آسکتے ہیں۔