لاہور ایئرپورٹ پر کسٹمز کی کارروائی، ایئرہوسٹس سے 1 لاکھ 40 ہزار ریال اور 37 ہزار ڈالر پکڑے گئے

لاہور ایئرپورٹ پر کسٹم حکام نے غیر ملکی کرنسی سمگل کرنے کی کوشش ناکام بنادی ۔پی آئی اے ایئر ہوسٹس غیرملکی کرنسی سمگلنگ کرتی رنگے ہاتھوں پکڑی گئی ۔ایئرہوسٹس آسیہ قربان سے ایک لاکھ 40 ہزار سعودی ریال اور 37ہزار 318امریکی ڈالر برآمد کرلئے گئے ۔آسیہ قربان کو شک کی بنیاد پر بیرون ملک جانے والی پرواز سے آف لوڈ کیا گیاتھا۔

قومی ائر لائن کی ائر ہوسٹس آسیہ قربان لاہور سے بیرون ملک جانے والی پرواز سے شک پڑنے پر آف لوڈ کی گئی،قومی ائر لائن کی ائر ہوسٹس سے ایک لاکھ 40 ہزار سعودی ریال برآمد ہوئے۔

شک پڑنے پر ائر ہوسٹس کی تلاشی لی گئی جس پر جسم کے مختلف حصوں سے سعودی ریال برامد ہوئے،ائر ہوسٹس کو دبئی جانے والی پرواز سے آف لوڈ کر دیا گیا ائر ہوسٹس کو اندراج مقدمہ کے بعد آئی اینڈ پی کے حوالے کر دیا گیا۔