بلوچستان کے ساحل پر مردہ بلیو وہیل پائی گئی، نسل معدومیت کے خطرے سے دوچار

بلوچستان کے گہرے سمندر میں 42 فٹ لمبی ٹنوں وزنی دیو ہیکل بلیو وہیل مردہ پائی گئی، جس کا شمار نایاب نسل کی آبی مخلوق میں ہوتا ہے۔

ترجمان ڈبلیو ڈبیلو ایف پاکستان کے مطابق بلوچستان کے ساحلی مقام باندری، جیوانی کے قریب آج صبح تقریباً 42 فٹ لمبی مردہ نیلی وہیل تیرتی ہوئی پائی گئی،جس کا وزن ایک اندازے کے مطابق ٹنوں میں ہوسکتا ہے،مردہ نیلی وہیل کے سطح سمندر پر تیرنے کی ویڈیوماہی گیروں نے موبائل کے ذریعے عکسبند کی۔

تیکنیکی مشیر ڈبلیو ڈبلیوایف پاکستان معظم علی خان کےمطابق نیلی وہیل کا شمار قوی الجثہ نایاب آبی مخلوق میں ہوتا ہے،پاکستان سمیت دنیا بھر کے گرم پانیوں میں پائی جاتی ہے،تاہم یہ نسل معدومیت سے دوچار ہے۔

ڈبلیو ڈبلیو ایف پاکستان کے عملے نے سمندر میں وہیل کی پیمائش کی،مردہ نیلی وہیل کے ڈی این اے کے تجزیے کے لیے نمونے جمع کیے گئے۔