لاہور کے علاقے علامہ اقبال ٹاؤن میں گھرمیں گھسنے والے 6 ڈاکو مبینہ پولیس مقابلے میں مارے گئے۔
پولیس کے مطابق اقبال ٹاؤن میں 6 ڈاکو معروف ماہر نفسیاتی امراض ڈاکٹر عباد کے گھر گھسے اور اہل خانہ پرتشدد کرتے ہوئے سب کو یرغمال بنا لیا،
ڈاکوؤں کی لوٹ مار جاری تھی اسی دوران گھر کی بالائی منزل پر موجود ڈاکٹر عباد کی بیٹی نے ون فائیو پر کال کرکے پولیس کو اطلاع دی، جیسے ہی 15 پر کال موصول ہوئی اقبال ٹاؤن پولیس کی بھاری نفری موقع پر پہنچ گئی۔
پولیس کے مطابق ڈاکوؤں نے گھر کے باہر پولیس کی بھاری نفری کو دیکھ کر فائرنگ کر دی، پولیس کی جوابی فائرنگ سے تمام ڈاکو ہلاک ہو گئے۔
پولیس کا کہنا ہے کہ سرچ آپریشن مکمل کر لیا گیا ہے۔۔واقعے میں اہل خانہ اور پولیس اہلکار محفوظ رہے ۔۔
پولیس نے لاشیں تحویل میں لے کر جائے وقوعہ سے شواہد اکٹھے کرکے پوسٹ مارٹم کے لیے مردہ خانے منتقل کردیں۔۔