اسلام آباد ہائی کورٹ نے سابق چیف جسٹس ثاقب نثار کے بیٹے نجم الثاقب کی درخواست پر سماعت کا تحریری حکم جاری کر دیا ،،آڈیو ٹیپ کی قانونی حیثیت کیا ہے ؟ اسلام آباد ہائیکورٹ نے وفاقی حکومت سے 4 ستمبر تک جواب طلب کر لیا۔ جواب وزیر اعظم کے سیکرٹری ، سیکرٹری داخلہ ، سیکرٹری دفاع سے طلب کیا گیا ہے۔
جسٹس بابر ستار نے آڈیو ٹیپس کی قانونی حیثیت سے متعلق درخواست پر تحریری حکم نامہ جاری کیا۔ حکم نامے میں کہا گیا کہ جو تفصیلی رپورٹ سیکرٹریز نے جمع کرانی ہے انکی درستگی سے متعلق بیان حلفی جمع کرائیں، جواب31 مئی کے آرڈر میں اٹھائے گئے سوالات کو مدنظر کر جمع کرائے جائیں۔
حکم نامے میں کہا گیا کہ عدالت کو بتایا گیا اٹارنی جنرل موجود نہیں کچھ وقت دیا جائے،وفاقی حکومت کا پہلے سے جمع کرایا جواب 31 مئی کے آرڈر کے مطابق نہیں،18 اگست کو وزیراعظم کے سیکرٹری اور دفاع و داخلہ کے سیکرٹریز ذاتی حیثیت میں پیش ہوں۔
نجم الثاقب نے پارلیمانی کمیٹی میں طلبی سمن کو عدالت میں چیلنج کیا تھا، عدالت نے گزشتہ روز پارلیمانی کمیٹی کے طلبی سمن کو معطل کرنے کا حکم سنایا تھا۔
