یونان کشتی حادثہ، پنجاب میں انسانی سمگلنگ میں ملوث 6 ملزم گرفتار

یونان کشتی حادثہ کے شکار افراد کو فوری انصاف کی فراہمی کے لئے تمام ادارے متحرک ہو گئے ایف آئی اے نے دو مزید ملزمان گجرات سے عظمت علی اور سیالکورٹ سے عابد حسین کو گرفتار کر لیا.

پنجاب بھر میں انسانی سمگلنگ میں ملوث نیٹ ورکس کے خلاف کاروائیاں تیز کر دی گئیں۔ پولیس یونان کشتی حادثہ  میں جاں بحق ہونے والوں کو لیبیا بھجوانے  کے مرکزی ملزم کے قریبی ساتھی ممتاز آرائیں کو رات گئے گرفتار کر لیا اور اس کے قبضہ سے موبائل فون ڈیٹا اہم دستاویزات برآمد کر لی گئیں ہیں پنجاب پولیس اس کی گرفتاری کے بعد اس کو ایف آئی اے حکام کے حوالے کرنے جا رہی ہے۔

گجرات سے ایک اہم ملزم کو بھی ایف آئی اے نے حراست میں لے لیا ہے ملزم کا نام عظمت بتایا جا رہا ہے ملزم نے یونان بھیجنے کے لئے متعدد افراد سے پیسے وصول کئے تھے۔

سیالکورٹ سے بھی ایک ملزم عابد حیسن کو گرفتار کر لیا گیا ہے ایف آئی اے حکام اور پولیس نے کل گرفتار ملزمان کی تعداد 6 بتائی ہے جن کو عدالتوں میں پیش کیا جارہا ہے اور ان سے مزید تحقیقات کی جارہی ہیں