لاہور میں قیامت کی گرمی، 3 شہری ہلاک، دو بیہوشی کی حالت میں ہسپتال منتقل

لاہور بھر میں گرمی کی شدت میں اضافے نے ایک خاتون سمیت تین افراد کی جان لے لی،ہلاک ہونے والوں میں سے ایک کا تعلق کے پی کے سے بتایا جا رہا ہے ۔

گرمی کی شدت سے ہلاک ہونے والوں میں سے 32 سالہ واجد علی کے پی کے کا رہائشی تھا جو لاہور میں کسی کام کے سلسلہ میں آیا تھا اور داتا دربار پناہ گاہ میں ٹھہرا ہوا تھا۔

لاری اڈہ کے علاقے میں  گرمی کی شدت سے بیہوش ہونے والا 57 سالہ نامعلوم شخص یکی گیٹ ہسپتال میں دم توڑ گیا۔

گارڈن ٹائون کے علاقہ میں ایک خاتون نسیمہ بی بی شدید گرمی کے باعث سڑک پر بیہوشی کی حالت میں گری اور بعدازاں دم توڑ گئی۔

پولیس نے تمام لاشیں ایدھی ایمبولینس کے ذریعے مردہ خانے منتقل کر کے ان کے لوحقین کو اطلاع دینا شروع کر دی ہے۔ ایک اور اطلاع کے مطابق دو مزید افراد تشویش ناک حالت میں مقامی ہسپتالوں میں منتقل کئے گئے ہیں۔