ایران اسرائیل کشیدگی، اسحاق ڈار کا ایرانی وزیر خارجہ سے رابطہ، خطے کی سکیورٹی صورتحال پر تبادلہ خیال

وزیرخارجہ اسحاق ڈار نے ایران کے نگران ہم منصب علی باقری سے رابطہ کر کے اسماعیل ہنیہ کی شہادت کے تناظر میں ایران اسرائیل کشیدگی پر بات چیت کی۔دونوں وزراء خارجہ نے خطے کی سلامتی صورتحال پر بھی تبادلہ خیال کیا۔

سفارتی ذرائع نے کہا کہ دونوں وزراء خارجہ کا آج ٹیلیفونک رابطہ ہوا،رابطہ اسماعیل ہنیہ کی شہادت کے تناظر میں ایران اسرائیل کشیدگی پر ہوا۔

سفارتی ذرائع نے کہا کہ دونوں وزراء خارجہ کے درمیان خطے میں سلامتی کی صورتحال پر تبادلہ خیال کیا۔

واضح رہے کہ 31 جولائی کو فلسطین کی مزاحمتی تنظیم حماس کے سیاسی سربراہ اسماعیل ہنیہ ایران کے دارالحکومت تہران میں اسرائیلی حملے میں شہید ہوگئے تھے۔

وہ ایرانی صدر کی تقریب حلف برداری میں شرکت کے لیے ایران گئے تھے۔