جہانگیر ترین اعلیٰ پائے کے پروفیشنل، کوئی حکومت ان کی صلاحیتوں سے فائدہ نہیں اٹھا سکی، عبدالعلیم خان

استحکام پاکستان پارٹی کے صدر عبدالعلیم خان نے پارٹی چیئرمین جہانگیر خان ترین کے استعفیٰ پر دلی طور دکھ کا اظہار کیا ہے۔

عبدالعلیم خان نے کہا کہ اس میں کوئی شک نہیں کہ جہانگیر خان ترین اعلیٰ پائے کے پروفیشنل ہیں،جہانگیر خان ترین کا کسی بھی حکومت میں ہونا اُس حکومت کیلئے اعزاز کی بات ہے،بد قسمتی سے کوئی حکومت بھی جہانگیر خان ترین کی صلاحیتوں سے فائدہ نہیں اٹھا سکی۔

عبدالعلیم خان نے کہا کہ جہانگیر خان ترین کو بطور چھوٹا بھائی اور صدر آئی پی پی خراج تحسین پیش کرتا ہوں،جہانگیر خان ترین ہمیشہ آئی پی پی اور ہم سب کے سرپرست اعلیٰ رہیں گے۔

عبدالعلیم خان نے کہا کہ جہانگیر ترین کی فلاحی سرگرمیاں بھی لائق تحسین، سیاست سے ہٹ کر وہ درد دل رکھنے والی شخصیت ہیں،اللہ تعالیٰ جہانگیر خان ترین کو صحت و سلامتی اور ہمیشہ کامیابی سے ہمکنار کرے۔