فیڈرل ایکسائز ایکٹ 2005 کے کیس کا فیصلہ لکھنے میں جسٹس اطہر من اللہ نے 223 قیمتی دن ضائع کر دیے، ججز بھی قابل احتساب ہیں، چیف جسٹس کا نوٹ

فیڈرل ایکسائز ایکٹ 2005 سے متعلق کیس کے متعلق چیف جسٹس پاکستان قاضی فائز عیسیٰ نے اضافی نوٹ جاری کردیا ،چیف جسٹس پاکستان کا کہنا ہے کہ اچھی پریکٹس اور قانون کا تقاضا ہے کہ سماعت مکمل کرکے فوری فیصلہ جاری کیا جائے،6دسمبر 2023کو سماعت مکمل کرکے فیصلہ لکھنے کیلئے جسٹس اطہر من اللہ کو معاملہ بھیجا گیا،جسٹس اطہر من اللہ نے 18 جولائی کو معاملہ میری طرف بھیجا میں نے 19 جولائی کو نوٹ لکھ دیا،بطور چیف جسٹس پاکستان میرا اپنے ساتھی ججز کو کیسز کے جلد فیصلے کرنے کی یادہانی نہ کرانا اپنی زمہ داریوں کی ادائیگی میں غلفت کے مترادف ہے۔

چیف جسٹس پاکستان قاضی فائز عیسیٰ نے لکھا کہ فیصلہ لکھنے میں چھ ماہ یعنی 223قیمتی دن لگ گئے،جسٹس اطہر من اللہ نے 18 جولائی کو معاملہ میری طرف بھیجا میں نے 19 جولائی کو نوٹ لکھ دیا۔

چیف جسٹس نے لکھا کہ بطور چیف جسٹس پاکستان میرا اپنے ساتھی ججز کو کیسز کے جلد فیصلے کرنے کی یادہانی نہ کرانا اپنی زمہ داریوں کی ادائیگی میں غلفت کے مترادف ہے،ملک کے دیگر اداروں کی طرح ججز بھی قابل احتساب ہیں۔

چیف جسٹس نے لکھا کہ معقول وقت کے اندر فیصلے جاری کرنا انصاف کی فراہمی ہے،انصاف میں بہت زیادہ تاخیر انصاف کے حصول سے انکار ہے۔