کراچی: پنچ مکھی ہنومان مندر میں پاک فوج سے اظہار یکجہتی کی تقریب

کراچی میں ہندوبرادری کی جانب سے پاک فوج سے اظہاریکجتہی کے لیے قدیم مندر میں تقریب منعقد کی گئی،جس میں مختلف مذاہب کے علاوہ خواجہ سرا بھی شریک ہوئے۔

کراچی کے علاقے سولجربازار میں واقع پنچ مکھی ہنومان مندر میں ہندوبرادری کےسربراہ  اور مندر کے گدی نشین شری رام ناتھ مہاراج کی جانب سے پاک فوج سے اظہاریکجہتی کے لیے تقریب منعقد کی گئی،تقریب میں ہندو،کرسچن سکھ اورمسلمان عمائدین کی بڑی تعداد شریک ہوئی۔

کراچی بھرسے آئے خواجہ سراؤں نے بھی تقریب میں خصوصی طورپرشرکت کی،کراچی میں بسنے والے مختلف مذاہب کے نمائندوں نے پاکستان زندہ باد کے فلک شگاف نعرے لگائےجبکہ ملی نغموں کے ذریعے لہوگرمادیا۔

اس موقع شری رام ناتھ مہاراج کا کہناتھا کہ پاکستان آرمی امن،استحکام اورقومی دفاع کی خاطراہم کردارادارکرتی ہے،ایک سیاسی جماعت کی جانب سے شہدا کی یادگارو قومی حیثیت کی حامل عمارتوں پردھاوابولاگیا،اورانھیں بے دردی سے نذرآتش کیاگیا،اس عمل کی جتنی مذمت کی جائے وہ کم ہے۔

شری رام ناتھ مہاراج نے پاک فوج کے ساتھ غیرمتزلزل حمایت اوروطن عزیز کے لیے ان کی قربانیوں کو زبردست الفاظ میں خراج تحسین پیش کیا۔ ان کا کہناتھا کہ پوری قوم  بشمول ہندوبرادری پاک فوج کے شانہ بشانہ کھڑی ہے،ہم پاکستان آرمی کی بے لوث خدمات کو قوم کی حفاظت وترقی سمجھتے ہیں،پروگرام کے آخر میں وطن عزیز اورپاک فوج کے لیے خصوصی دعائیں مانگی گئیں۔