خیبرپختونخوا، آلودہ پانی،ناقص خوراک، غلط دوائیں، 2 ماہ کے دوران ٹائیفائیڈ کے 10 ہزار کیسز

خیبرپختونخوا میں دوماہ کے دوران ٹائیفائیڈ کے دس ہزار کیسزرپورٹ ہوئے ہیں۔ صوبے کے محکمہ پبلک ہیلتھ کی دستاویز کے مطابق صوبے میں ٹائیفائیڈ کے کیسز بڑھ رہے ہیں۔

  محکمہ پبلک ہیلتھ کی دستاویز کے مطابق دو ماہ کے دوران پشاور میں ٹائیفائیڈ کے 1600 سےزیادہ کیسز رپورٹ ہوئے۔

ڈائریکٹر پبلک ہیلتھ خیبر پختونخوا کا کہنا ہے کہ  ٹائیفائیڈ بڑھ رہاہے، یہ کوئی نیا بیکٹریا نہیں ہے،غلط انٹی بائیوٹکس کےاستعمال سے ٹائیفائیڈ میں مزاحمت پیدا ہوتی ہے۔

ڈاکٹر ارشاد علی نے کہا کہ ٹائیفائیڈ مرض میں بعض انٹی بائیوٹکس کام کرنا چھوڑ دیتے ہیں، صفائی کا خیال نہ رکھنے کی صورت میں یہ بیماری دوسروں کو منتقل ہوتی ہے۔

ڈاکٹر ارشاد علی نے کہا کہ آلودہ پانی اور آلودہ غذا کے استعمال سے یہ بیکٹریا بڑھتا ہے۔