لاہور: خواجہ سرا نے معمولی جھگڑے پر رکشہ ڈرائیور قتل کر دیا

صوبائی دارالحکومت لاہور میں خواجہ سرا نے معمولی تلخ کلامی پر رکشہ ڈرائیور کو قتل کر دیا۔

وحدت کالونی میں ایک خواجہ سرا عدنان رکشے میں  بیٹھی خواتین سے بار بار بھیک کے لیے اصرار کر رہا تھا۔

رکشہ ڈرائیور غلام شبیر نے عدنان کو خواتین سے باربار بھیک مانگنے سے منع کیا جس پر دونوں میں تلخ کلامی ہوئی۔

عدنان اور غلام شبیر کے درمیان تلخ کلامی کے بعد بات ہاتھاپائی تک جا پہنچی اور عدنان نے غلام شبیر کو ظالمانہ تشدد کا نشانہ بنایا۔

رکشہ ڈرائیور غلام شبیر، خواجہ سرا عدنان کے تشدد سے ہلاک ہوگیا، رکشہ ڈرائیوروں نے اس واقعہ پ؛ر وحدت کالونی کا مین روڈ بلاک کردیا۔

پولیس نے خواجہ سرا کو گرفتار کر لیا، رکشہ ڈرائیوروں کو انصاف کی یقین دہانی کرائی گئی جس پر سڑک ٹریفک کے لیے کھول دی گئی۔