سمندروں کے لیے بڑھتے خطرات سے نمٹنے کے لیے جدید حل تلاش کرنا ہوں گے، ایڈمرل امجد نیازی

عالمی یومِ بَحر کے موقع پر سربراہ پاک بحریہ ایڈمرل محمد امجد خان نیازی نے خصوصی پیغام میں کہا ہے کہ سمندروں میں خطرات سے نمٹنے کے لیے جدید حل تلاش کرنے کی ضرورت ہے۔

نیول چیف ایڈمرل محمد امجد خان نیازی کا پیغام میں کہنا ہے کہ رواں سال عالمی یوم بحر کا موضوع ہے "کرہ بحر: لہریں بدل رہی ہیں”۔اس دن کا مقصد سمندروں کو بہتر حالت میں برقرار رکھنا اور ماحول کا توازن برقرار رکھنے کے لئے اقدامات کرنا ہے،سمندروں کیلئے بڑھتے ہوئے خطرات سے نمٹنے کیلئے نئے اور جدید حل تلاش کرنے کی ضرورت ہے۔

پاک بحریہ سمندری وسائل کے محفوظ اور دیر پا استعمال کے فروغ میں اپنا کردار بخوبی نبھا رہی ہے، آج کے دن ہم سمندروں کو پہنچنے والے نقصان سے بچاؤ اور اس کا ازالہ کرنے کیلئے اپنے عزم کا اعاد کرتے ہیں۔