ترکی اور شام کے زلزلہ متاثرین کے لیے مزید امدادی سامان روانہ

این ڈی ایم اے نے پاکستانی عوام کی جانب سے ترکیہ اور شام کے زلزلہ زدگان کے لیے مزید سامان روانہ کر دیا۔ اس سلسلے میں ایک سول بحری کارگو 24کنٹینرز پر مشتمل امدادی سامان جس میں ترپال، خیمے، بستر، کپڑے اور جنریٹر شامل ہے لیکر آج پورٹ قاسم کراچی سے روانہ ہوا۔

ٹوٹل روانہ کیئے گئے 186.23 ٹن سامان میں سے 180 ٹن امدادی سامان شام جبکہ 6.23 ٹن پر مشتمل 2 کنٹینرز ترکیہ بھجوائے کئے گئے۔
یہ جہاز امدادی سامان پر مشتمل کنٹینرز لیکر 25 جون کو مرسین بندرگاہ پہنچے گا، جسے AFAD کے نمائندے وصول کریں گے، جب کہ شام میں پاکستان کے سفیر 20 جولائی 2023 کو شام کی لطاکیہ بندرگاہ پر سامان وصول کریں گے۔

سامان کی اس کھیپ میں فلاحی تنظیموں اور صوبائی ڈیزاسٹر مینجمنٹ اتھارٹیز کی جانب سے فراہم کردہ سامان شامل ہے۔6 فروری 2023 کو ترکیہ اور شام میں آنے والے تباہ کن زلزلے کے متاثرین کی امداد کے لیے این ڈی ایم اے پاکستان تا حال مصروف عمل ہے۔