نجم سیٹھی کی وزیراعظم سے ملاقات، کرکٹ بورڈ کی سربراہی اگلی مدت کے لیے پکی

پاکستان کرکٹ بورڈ کے پیٹرن ان چیف وزیر اعظم شہباز شریف سے پی سی بی مینجمنٹ کمیٹی کے سربراہ نجم سیٹھی نے ملاقات کی۔

ذرائع کا کہنا ہے کہ اس ملاقات میں وزیراعظم شہباز شریف نے نجم سیٹھی کو چیئرمین پی سی بی کے لیے امیدوار نامزد کردیا اور ان پر مکمل اعتماد کا اظہار کیا۔

ذرائع کا کہنا ہے کہ کرکٹ بورڈ کے پیٹرن ان چیف شہباز شریف نے چیئرمین کے لیے الیکشن جلد مکمل کرنے کی ہدایت کی۔

ذرائع کا کہنا ہے کہ حکمران اتحاد میں شامل پیپلز پارٹی چیئرمین کے عہدے کے لیے ذکا اشرف کو لانا چاہتی ہے.

نجم سیٹھی کی وزیراعظم شہباز شریف سے ملاقات کے دوران وزیر خزانہ اسحاق ڈار اور وفاقی وزیر منصوبہ بندی احسن اقبال بھی موجود تھے۔

نجم سیٹھی چیئرمین کے عہدے کے لیے مضبوط امیدوار ہیں اور انہوں نے پچھلے ماہ نواز شریف سے بھی لندن میں ملاقات کی تھی، جہاں چیئرمین شپ کا معاملہ بھی زیر غور آیا تھا۔