فٹنس مسائل کے شکار نسیم شاہ، شاداب خان، حسنین اور احسان اللہ انٹرنیشنل ٹی 20 لیگ کھیلنے کے خواہاں

قومی کرکٹ ٹیم کے ارکان مسلسل انجری کا شکار ہیں اور ٹیم انٹرنیشنل میچز میں مسلسل شکست کھا رہی ہے لیکن انجری اور انٹرنیشنل میچز میں شکست کے باوجود کھلاڑیوں کو لیگز کھیلنے کی فکر ستارہی ہے۔

ذرائع کے مطابق فٹنس مسائل سے دوچار نسیم شاہ ، شاداب خان ، محمد حسنین اور احسان اللہ نے بھی لیگز کھیلنے کے لیے بورڈ کو درخواستیں دی ہیں۔

ذرائع نے بتایا کہ بورڈ مینجنٹ نے ان چاروں کھلاڑیوں کی این او سی کے لیے دی گئی درخواستوں کے جواب میں کہا ہے کہ لیگز کھیلنا ہے تو پہلے دو ڈومیسٹک میچز کھیل کر فٹنس ثابت کریں۔

پی سی بی نے کھلاڑیوں کو این او سی دینے کیلئے ٹیم ڈائریکٹر سے رائے مانگی تھی۔

  انٹرنیشنل T-20 ذرائع نے بتایا کہ ٹیم ڈائریکٹر نے لیگ کھیلنے کیلئے سینٹرل کنٹریکٹ کی شرائط پوری کرنے کی سفارش کی ہے۔

انٹرنیشنل ٹی ٹوئنٹی لیگ 19 جنوری سے متحدہ عرب امارات میں کھیلی جائیگی۔