نئے مالی سال کے بجٹ پر مذاکرات، آئی ایم ایف نے بیشتر اشیا پر ٹیکس رعایت دینے سے انکار کردیا،

پاکستان اور آئی ایم ایف کے درمیان ورچوئل مذاکرات ہوئے ہیں، ذرائع کے مطابق مذاکرات میں نئے مالی سال کے بجٹ اقدامات پر بات چیت جاری ہے۔آئی ایم ایف نے آئندہ مالی سال کے بجٹ میں بیشتر اشیا پر ٹیکس دعایتیں دینے سے انکارکیا ہے،آئی ایم ایف نے فاٹا اور پاٹا میں 6 فیصد ٹیکس ختم کرنیکی تجویز کی بھی مخالفت کی ہے۔ جبکہ آئی ایم ایف تاحال ایکسپورٹس پر متعین انکم ٹیکس کا نظام بحال کرنے کی اجازت دینے سے انکاری ہے۔

ذرائع کا کہنا ہے کہ حکومت ایکسپورٹرز کیلیے آئی ایم ایف سے ٹیکس رعایتیں لینے کیلیے کوشاں ہے۔آئی ایم ایف تاحال ایکسپورٹس پر متعین انکم ٹیکس کا نظام بحال کرنے کی اجازت دینے سے انکاری ہے۔

ذرائع کا کہنا ہے کہ آئی ایم ایف تمام اقسام کی آمدن کےساتھ یکساں پالیسی کا خواہاں ہے۔آئی ایم ایف ٹیکسٹ بکس پر جنرل سیلز ٹیکس ختم کرنے پر رضامند ہے۔ آئی ایم ایف اسٹیشنری کی دیگر تمام اشیا پر 18 فیصد سیلز ٹیکس لگانے کا خواہاں ہے۔