ایئرپورٹس کی آؤٹ سورسنگ، بولی جمع کرانے کے لیے 15 جولائی کی تاریخ مقرر

نائب وزیر اعظم کی زیرِ صدارت ہوائی اڈوں کی آؤٹ سورسنگ سے متعلق اسٹیئرنگ کمیٹی کا 11 واں اجلاس ہوا ،بولی جمع کرانے کی آخری تاریخ 15 جولائی مقرر کردی گئی۔

اجلاس میں وزیر خزانہ، وزیر پٹرولیم، سیکرٹری ایوی ایشن، سیکرٹری قانون، سیکرٹری بی او آئی اور کنٹری ڈائریکٹر آئی ایف سی نے شرکت کی،سیکرٹری ایوی ایشن نے کمیٹی کو بریفنگ میں بتایااسلام آباد ایئرپورٹ آؤٹ سورسنگ پراجیکٹ میں یورپ سمیت مختلف ایئرپورٹ آپریٹرز نے دلچسپی لی ،ان میں سے کچھ آپریٹرز نے مقامی سرمایہ کاروں کے ساتھ کنسورشیم تشکیل دیا ہے اور قانونی اور مالیاتی احتیاط سے کام کر رہے ہیں ،اس سلسلے میں ان کی ٹیموں نے حال ہی میں اسلام آباد ایئرپورٹ کا دورہ کیا ،بولی جمع کرانے کی آخری تاریخ 15 جولائی مقررکی گئی ہے ، تاہم، منصوبے کی پیچیدگی کے پیش نظر، چار ممکنہ بولی دہندگان نے بولی جمع کرانے کی تاریخ میں توسیع کی درخواست کی ہے،اس طرح کی توسیع زیادہ مسابقت کی اجازت دے گی اور اس طرح اس منصوبے کے لیے بہتر قیمت ہوگی، اس کے مطابق اسٹیئرنگ کمیٹی نے بولی جمع کرانے کی تاریخ میں دو ماہ کی توسیع کی اجازت دی۔
اسٹیئرنگ کمیٹی نے مزید ہدایت کی کہ ممکنہ بولی دہندگان کو وزارت ہوابازی اور آئی ایف سی کی جانب سے مکمل طور پر تعاون کیا جائے گا ،اس تعاون سےمناسب مستعدی سے کام جلد مکمل کیا جا سکے گااور بولی کے عمل میں زیادہ سے زیادہ شرکت کو یقینی بنایا جا سکےگا۔

ائب وزیراعظم نے اسلام آباد ایئرپورٹ کے زیادہ سے زیادہ ریونیو کی صلاحیت سے فائدہ اٹھانے کی ہدایت کی اور مسافروں کے تجربے کو بڑھانے کے لیے منصوبے کی اہمیت کو اجاگر کیا،انہوں نے اس بات کو یقینی بنانے کے لیے تمام اقدامات اٹھانے کا عہد کیا کہ آؤٹ سورسنگ پروجیکٹ کو کم سے کم وقت میں انتہائی شفاف طریقے سے مکمل کیا جائے۔