معروف عالم دین پرنسپل جامعہ علمیہ سلطان المدارس سرگودھا مفسر قرآن علامہ محمد حسین نجفی اسلام آباد کے مقامی ہسپتال میں انتقال کرگئے ۔
علامہ محمد حسین نجفی کی نمازِ جنازہ ان کے مدرسے سلطان المدارس سرگودھا میں آج شام چھ بجے ادا کی جائے گی۔علامہ محمد حسین نجفی کا شمار مسلم دنیا کے ممتاز علما کرام میں ہوتا تھا۔
ان کا نام دنیا کے پانچ سو بااثر مسلمانوں کی فہرست میں شامل تھا۔علامہ محمد حسین نجفی کو فقہ، تفسیر اور حدیث اور تاریخ اسلام جیسے موضوعات پہ دسترس تھی۔
انہوں نے سوگوران میں تین بیٹیاں اور بیوہ چھوڑی ہیں۔مختلف دینی موضوعات پر وہ درجنوں کتب کے مصنف تھے۔
