دہشت گردی کے خدشات کے پیش نظر سی ٹی ڈی نے پنجاب کے مختلف شہروں میں 248 انٹیلی جنس بیسڈ آپریشنز کئے جن میں 7 دہشتگردوں کو گرفتار کر لیا گیا۔
ترجمان سی ٹی ڈی کا کہنا ہے کہ راولپنڈی، سرگودھا، بہالپور،پاکپتن، ساہیوال میں انٹیلی جنس بیڈ کارروائیاں کی گئیں، اس دوران 7 دہشت گرد گرفتار کئے گئے۔
ترجمان سی ٹی ڈی کے مطابق بہالپور سے ٹی ٹی پی کا اہم کمانڈر سلمان گرفتار کر لیا گیا،دہشت گردوں سے بارودی مواد،2 ہینڈ گرینڈ، ای ڈی بم 2، نقدی برامد ہوئی،دہشت گردوں کی شناخت موسی۔ خالد۔سلمان۔ندیم۔اکمل۔ اور یاسر یاسین کے نام سے ہوئی۔
ترجمان سی ٹی ڈی کا کہنا ہے کہ دہشت گرد اہم تنصیبات پر حملے کی منصوبہ بندی کر رے تھے،رواں ہفتے 1136 کومبنگ آپریشنز کے دوران 132 مشتبہ افراد گرفتار کیے،کومبنگ آپریشنز میں 46467 افراد سے پوچھ گچھ کی گئی۔
سی ٹی ڈی حکام کا کہنا ہے کہ سی ٹی ڈی محفوظ پنجاب کے ہدف پر عمل پیرا ہے،دہشت گردی کے ناسور کو جڑ سے اکھاڑ پھینکنے کے لیے پرعزم ہیں۔