پیپلزپارٹی کے رہنما اور سابق صدر آصف علی زرداری کے پرانے ساتھی ذوالفقار مرزا نے کہا ہے کہ زرداری کے ساتھ دوبارہ دوستی کی خواہش نہیں اور ان کے پاس بھی وقت نہیں۔
کراچی میں اے ٹی سی میں میڈیا سے بات کرتے ہوئے ذوالفقار مرزا نے کہا کہ پرانے دوستوں سے دوبارہ دوستی کے لئیے کسی نے کوئی کوشش نہیں کی، میں زرداری سے دوبارہ دوستی کرنا چاہتا ہوں نہ ہی انکے پاس اتنا وقت ہے۔
ذوالفقار مرزا نے کہا کہ اگر میری زرداری سے دوستی ہوگئی تو بہت سے لوگوں کی نوکریاں چلی جائیں گی،ابھی الیکشن لڑنے کا کوئی ارادہ نہیں ہے۔
ذوالفقار مرزا نے کہا کہ بدین میں آٹھ سال پہلے اسپتال بنا تھا اب وہاں کوئی سہولت موجود نہیں، لوگوں کو دوسرے اسپتال بھیج دیا جاتا ہے، حکومت کی پرفارمینس کا پتا کرنا ہے تو کسی بھی عام آدمی سے پوچھا جاسکتا ہے۔
