شہر یار آفریدی کی ایم پی او کے تحت گرفتاری کو کالعدم قرار دینے کا سنگل بینچ کا فیصلہ چیلنج کر دیا گیا۔ڈسٹرکٹ مجسٹریٹ اسلام آباد نے اسلام آباد ہائیکورٹ میں انٹرا کورٹ اپیل دائر کردی۔
انٹراکورٹ اپیل میں استدعا کی گئی ہے کہ سنگل بینچ کا فیصلہ طے شدہ قانونی اصولوں کی خلاف ورزی ہے ، سنگل بینچ نے فیصلہ سناتے ہوئے جوڈیشل مائنڈ اپلائی نہیں کیا، حقائق کو مدنظر رکھتے ہوئے 16اگست کا سنگل بینچ کا فیصلہ کالعدم قرار دیا جائے۔
اسلام آباد ہائیکورٹ میں انٹرا کورٹ اپیل میں استدعا کی گئی ہے کہ سنگل بینچ کے فیصلے سے انصاف کا بول بالا نہیں خاتمہ ہوگا ، سنگل بینچ کا فیصلہ پبلک آفس ہولڈر کی حوصلہ شکنی کرے گا۔حقائق کو مدنظر رکھتے ہوئے 16اگست کا سنگل بینچ کا فیصلہ کالعدم قرار دیا جائے
