بہاولپور میں اسپیڈو بس سروس انتظامیہ نے آج سے سستی سفری سہولت بس سروس بند کردی ۔ جس کی وجہ پنجاب حکومت کی جانب سے سبسڈی کی رقم نہ ملنا ہے۔
بس سروس بہاولپور سے لودھراں کے لیے چلائی گئی، فی سواری کرایا 30 روپے وصول کیا جاتا ہے۔
حکومت پنجاب نے اسپیڈو بس سروس کے 2 کروڑ 54 لاکھ روپے سے زائد کے فنڈز ادا کرنے ہیں۔بس انتظامیہ کا کہنا ہے کہ سپیڈو بسیں لاہور منتقل کردی جائیں گی۔
اسپیڈو بس سروس طلبہ و طالبات اور عام شہریوں کے لئے سستی اور معیاری ٹرانسپورٹ سروس مہیا کر رہی تھی- سروس بند ہونے پر شہری طلبہ و طالبات شدید پریشان ہیں۔
