پی آئی اے ملازمین نے نجکاری کے خلاف کراچی سمیت دیگر شہروں کے بکنگ آفسز کو بند کرکے احتجاج کا آغاز کردیا۔
پیپلز یونٹی آف پی آئی اے اور قومی ائیرلائن آفیسرز ایسوسی ایشن نے مشترکہ طور پر کراچی،کوئٹہ اور ملتان میں مختصر وقت کے لیے قلم چھوڑ ہڑتال کے تحت بکنگ سینٹرز میں ہڑتال کا عمل شروع کیا،پی آئی اے ملازمین کی جانب سے تنخواہوں میں اضافے اور ائرلائن کی دو حصوں میں تقسیم کے خلاف روزانہ 2 گھنٹہ ہڑتال کا اعلان کیا تھا،
ہڑتال دوپہر 2 سے4 بجے تک جاری رہی،پی آئی اے کی سی بی اے کے مطابق جمعے سے اہم فیصلوں کے بعد احتجاج کا دائرہ مذید بڑھادیا جائے گا