پاکستان میں انصاف نہ ملا تو ڈونلڈ لو کے خلاف امریکا میں کیس دائر کریں گے، علیمہ خان

پی ٹی آئی چیئرمین کی ہہن علیمہ خان نے کہا ہے کہ پاکستان میں انصاف کے تقاضے پورے نہ کئے گئے توامریکہ میں ڈونلڈ لو کیخلاف کیس کرینگے۔ نئی حکومت بنا کرچیئرمین پی ٹی آئی کوجیل میںڈال دیا گیا اوران پرسزائے موت کا کیس بنا دیا گیا۔

راولپنڈی میں اڈیالہ جیل کے باہر میڈیا سے بات کرتے ہوئےعلیمہ خان  نے کہا کہ سابق وزیراعظم نے دوبارہ کہا ڈونلدلو اور باجوہ نے ملکر حکومت گرائی۔میں نے لوگوں کو بتایا کہ ملک کے خلاف سازش ہوئی ہے۔نتیجتاً ملک میں ایک سال میں معاشی تباہی ہوئی، جس سے عوام کو نقصان اٹھانا پڑا ۔آج مہنگائی اسی وجہ سے ہے، 15 لاکھ نوجوان ملک کو چھوڑ کر جاچکے ہیں۔ نئی حکومت بنا کر چیئرمین پی ٹی آئی کو جیل میں ڈال دیا گیا اور سزائے موت کا کیس بنا دیا گیا ۔۔اس وقت ان کا صرف یہی ایجنڈا ہے کہ چیئرمین پی ٹی آئی کو موت کی سزا دلوائی جائے۔

علیمہ خان نے دعویٰ کیا کہ امریکہ میں میٹنگ میں فیصلہ کیا گیا کہ جو عدم اعتماد آئے گا اسے کامیاب کروانا ہے۔ اگر یہاں انصاف کے تقاضے پورے نہ کئے گئے تو امریکہ میں ڈونلڈ لو کیخلاف کیس کرینگے۔چیئرمین پی ٹی آئی نے کہا یہ کورٹ نہیں کینگرو کورٹ لگا ہوا ہے۔

علیمہ خان نے ایک سوال پر جواب دیاکہ خاور مانیکا کے انٹرویو پر کوئی بات نہیں۔چیئرمین پی ٹی آئی نے کہا نیب والے 190 ملین پاؤنڈ سکینڈل کی تفتیش کیلئے آتے ہیں، بیٹھتے ہیں اور واپس چلے جاتے ہیں۔آج بھی جیل میں گئے تو کچھ غیر ملکی جیل کے اندر گئے ہوئے تھے۔لیکن وہ غیرملکی چیئرمین پی ٹی آئی کو ملنے نہیں آئے تھے۔