پشاور: پی ٹی آئی کا جھنڈا لگانے پر باپ نے بیٹے کو قتل کردیا

پی ٹی آئی کا جھنڈا گھر پر کیوں لگایا؟ پشاور میں باپ  نے فائرنگ کرکے بیٹے کو قتل کردیا۔

پشاور کے علاقے بڈھ بیر میں عوامی نیشنل پارٹی سے تعلق رکھنے والے نور رحمان  نے پی ٹی آئی سے تعلق رکھنے والے بیٹے عطاء الرحمان کو گھر پر پی ٹی آئی کا جھنڈا لگانے پر ڈانٹ ڈپٹ کی، دونوں کے درمیان اس معاملے پر تکرار ہوئی۔ والد نے فائرنگ کردی۔

پولیس کے مطابق سیاست سے دور رہنے کی نصیحت پر باپ بیٹا میں تکرار ہوئی، زبانی تکرار کے دوران باپ نے بیٹے پر فائرنگ کھول دی۔

ملزم بیرون ملک میں مزدوری کررہا تھا،2 ماہ قبل وطن واپس آیا تھا،پولیس کے مطابق مقتول کے بھائی کی مدعیت میں مقدمہ درج کیا جارہا ہے۔