پٹرول کی قیمت کل سے فی لیٹر 7.50 روپے بڑھنے کا امکان

بجلی کی قیمتوں میں اضافےکےبعد پیٹرولیم مصنوعات بھی مہنگی ہونے کا امکان ہے۔ پیٹرول کی فی لیٹر قیمت میں 7 روپے 50 پیسے تک اضافے کا امکان ہے، ڈیزل کی فی لیٹر قیمت میں3روپے 72 پیسے تک اضافہ متوقع ہے۔

16جولائی سے مٹی کا تیل 2 روپے 39 پیسے تک مہنگے ہونے کا امکان ہے۔وزیر اعظم کی حتمی منظوری سے قیمتوں کا باقاعدہ نوٹیفکیشن جاری ہوگا۔

لائیٹ ڈیزل کی قیمت میں بھی92 پیسے فی لیٹر تک اضافے کا خدشہ ہے،پیٹرولیم لیوی قیمتوں میں شامل کئے جانے سے مصنوعات مزید مہنگی ہو سکتی ہیں۔

ذرائع کا کہنا ہے کہ حکومت نے پیٹرولیم لیوی فل الحال نہ بڑھانے کا فیصلہ کیا ہے،بجٹ 2024,25 میں پیٹرولیم لیوی کی شرح میں 10 روپے اضافہ منظور کیا گیا ہے۔

ذرائع کا کہنا ہے کہ قیمتوں میں اضافہ عالمی مارکیٹ میں قیمتیں بڑھنے کے باعث ہو گا، وزارت پیٹرولیم اوگرا کی طرف سے بھجوائی گئی سمری پر آج قیمتوں کا تعین کرے گی،نئی قیمتوں کا اطلاق آج رات بارہ بجے سے ہو گا