ہرنیا کے آپریشن کے بعد پوپ فرانسس کی صحت میں بہتری، 7 دن تک ہسپتال رہ سکتے ہیں، ڈاکٹرز

مسیحی پیشوا پوپ فرانسس کی صحت کے متعلق ویٹی کن سٹی نے بتایا ہے کہ وہ ہسپتال میں پہلی رات گزارنے کے بعد بہتر محسوس کر رہے ہیں۔

ویٹی کن  نے مختصر بیان میں کہا کہ پوپ فرانسس کی رات اچھی گزری،پوپ کی صحت کے متعلق مزید بعد میں بتایا جائے گا۔

پوپ فرانسس کی عمر 86 سال ہے، بدھ کے روز کا ان کا ہرنیا کا آپریشن ہوا، ڈاکٹرز نے بتایا کہ پوپ کا آپریشن کامیاب رہا اور وہ مکمل صحتیابی کے طعد سفر اور دیگر سرگرمیوں میں شریک ہو سکیں گے۔

ڈاکٹرز کا کہنا ہے کہ پوپ ہسپتال میں پانچ سے سات دن گزاریں گے۔پوپ فرانسس کا آپریشن کرنے والے سرجن نے کہا کہ جنرل انستھیزیا کے دوران پوپ فرانسس مضبوط محسوس ہوئے اس کے باوجود بڑھتی عمر کی وجہ سے ان کے لیے مزید احتیاطی تدابیر اختیار کرنا لازمی ہوگا۔

پوپ فرانسس کے دو غیرملکی دورے اس سال شیڈول ہیں، اگست میں انہیں پرتگال جانا ہے، وہ دو سے چھ اگست تک پرتگال میں ورلڈ یوتھ ڈے کی سرگرمیوں میں شریک ہوں گے۔

اکتیس اگست سے چار ستمبر تک ان کا دورہ منگولیا شیڈول ہے۔ڈاکٹرز کا کہنا ہے کہ انہیں پوپ کے دورے کے شیڈول تبدیل کرنے کی وجہ نظر نہیں آتی۔

ویٹی کن نے پوپ کی تمام نجی اور عام ملاقاتیں 18 جون تک منسوخ کر دی ہیں،پوپ نے 2021 کے میں اس ہسپتال میں قیام کے دوران ہسپتال کی 10 ویں منزل کی بالکونی سے دعائیہ تقریبات کرائی تھیں، اس ہسپتال کی 10 ویں منزل پر خصوصی کمرے ہیں اور وہ پوپ کے لیے مخصوص ہیں۔