پاکستان
پی ٹی آئی کو جلسے کی اجازت چہلم کے بعد دے سکتے ہیں، ڈپٹی کمشنر اسلام آباد
![](https://urduchronicle.com/wp-content/uploads/2023/08/pti-flag-1.jpg)
پی ٹی آئی کے جلسے کا این او سی معطل کرنے کے چیف کمشنر اسلام آباد کے نوٹیفکیشن کے خلاف معاملہ تا حال حل نہ ہو سکا۔ قائم مقام ڈپٹی کمشنر اسلام آباد نے کہا ہے کہ محرم کے چالیس کے بعد جلسے کی اجازت دی جا سکتی ہے،عدالت نے ریمارکس دیےدس محرم کے بعد کی بات تو سمجھ آتی ہے، چہلم تو بہت دور ہے۔۔
کیس کی سماعت چیف جسٹس عامر فاروق نے کی، عدالت نے ریمارکس دیے کہ فروری سے جلسے کا معاملہ چل رہا ہے اِس میں مسئلہ کیا ہے؟ ڈپٹی کمشنر نے اجازت دی، چیف کمشنر نے منسوخ کر دی، کیا کرنا چاہتے ہیں؟
قائم مقام ڈپٹی کمشنر اسلام آباد نے کہا کہ چیف کمشنر نے جلسے کو معطل کیا ہے، منسوخ نہیں کیا،محرم کے چالیس کے بعد جلسے کی اجازت دی جا سکتی ہے۔
عدالت نے ریمارکس دیے کہ دس محرم کے بعد کی بات تو سمجھ آتی ہے، چہلم تو بہت دور ہے،ڈپٹی کمشنر نے کہاشہریوں نے شکایات جمع کرائیں کہ اُن کو نقل و حرکت میں مسئلہ ہو گا۔ چیف جسٹس نے کہاآپ کسی کُھلی جگہ اجازت دے دیں۔
شعیب شاہین نے کہا کہ ہمیں 27 جولائی کو جلسے کی اجازت دے دیں،چیف جسٹس نے ریمارکس دیے کہ سیکیورٹی صورتحال اگر آ ہی گئی تھی تو انہیں بلا کر بتا تو دیتے،چہلم کے بعد آپ کہیں گے کہ سیلاب آ گیا سردی ہو گئی، مجھے آپکی تجویز نہیں چاہیے، پہلے بھی عدالت نے آرڈر کیا، جس طرح چل رہا ہے یہ کوئی مستقل حل نہیں، ان کو بلا کر مشاورت کریں اور معاملے کا مستقل حل نکالیں، جلسے میں چالیس پچاس ہزار بندہ آ جائیں گے،اس سے کچھ نہیں ہونا،جلسہ ہو گا، تقریریں ہونگی، ان سے کچھ نہیں ہونا، سمجھ لیں، کوئی غلط تقریر کرے این او سی کی خلاف ورزی ہو تو آپ اُسے ذمہ دار ٹھہرا سکتے ہیں،میں کیس پیر کو دوبارہ سماعت کیلئے مقرر کر رہا ہوں۔
ڈپٹی کمشنر نے کہا کہ ہمیں سسٹم کے تحت ہی چلنا ہوتا ہے،عدالت نے ریمارکس دیے کہ میں سسٹم کو جانتا ہوں، میں بھی اسی سسٹم کی پیداوار ہوں، سیدھا ولایت سے یہاں لینڈ نہیں کیا۔ کیس کی سماعت15 جولائی تک ملتوی کر دی گئی۔
-
کھیل11 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل9 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
تازہ ترین3 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان4 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
تازہ ترین4 مہینے ago
پی سی بی نے انٹرنیشنل ٹیموں کے قیام کے لیے عمارت خرید لی