Urdu Chronicle

Urdu Chronicle

ٹاپ سٹوریز

موٹر سائیکل رکشہ کو قانونی حیثیت دینے کے لیے رولز تبدیل، تھری وہیلر کے طور پر رجسٹرڈ کیا جائے گا، پنجاب کابینہ کے فیصلے

Published

on

موٹر سائیکل رکشہ کو قانونی حیثیت دینے کیلئے پنجاب کابینہ نے موٹر وہیکلز رولز 1969 میں ترامیم کی منظوری دے دی،موٹر سائیکل رکشہ کو تھری ویلر کے طورپر رجسٹر کیاجائے گا۔

نگران وزیراعلیٰ محسن نقوی کی زیرصدارت پنجاب کابینہ کا اجلاس ہوا جس میں موٹر وہیکلز رولز 1969 میں ترامیم کی منظوری دی گئی،موٹرسائیکل رکشہ کی عارضی رجسٹریشن کیلئے آرٹی اے کواسپیشل رجسٹریشن اتھارٹی کادرجہ دیا جائے گا، عارضی رجسٹریشن کےبعدموٹرسائیکل رکشےکووضع کردہ سائزاورڈیزائن کیلئے 4ماہ دیئےجائیں گے،4ماہ بعدموٹرسائیکل رکشہ فٹنس سرٹیفکیٹ ملنےکےبعد ایکسائزسےرجسٹریشن نمبرحاصل کرسکے گا

کابینہ اجلاس میں موٹرسائیکل رکشےکی رجسٹریشن کاعمل آسان  اورفارم اردومیں شائع کرنے کی ہدایت کی گئی۔

کابینہ نے پنجاب میں تعمیرہونےوالی 18بڑی روڈزانفرسٹراکچرکو مستقل طورپر محفوظ بنانے کی منظوری دی،18بڑی روڈزسےحاصل ہونے والےٹول ٹیکس کومتعلقہ سڑک کی تعمیرومرمت پرہی خرچ کیاجاسکےگا۔ پنجاب کابینہ نے  18بڑی روڈز کے ٹول کی رنگ فنسنگ کی منظوری دی۔

ڈیرہ غازیخان کارڈیالوجی انسٹی ٹیوٹ کو میڈیکل انسٹی ٹیوشن کا درجہ دینے کی منظوری بھی دی گئی، کابینہ نے ڈیرہ غازیخان انسٹی ٹیوٹ آف کارڈیالوجی کی مینجمنٹ کیلئے انتظامی کمیٹی کی منظوری دی۔

کابینہ نے رجب طیب اردوان اسپتال مظفر گڑھ میں نرسنگ کالج کے قیام کیلئے ضروری اقدامات کی منظوری دی۔ نگران پنجاب کابینہ کی نرسنگ کالج کےآپریشنل اخراجات کیلئےایک ارب کےفنڈزکی منظوری دی۔

نگران وزیراعلیٰ نے مظفرگڑھ میں رجب طیب اردوان اسپتال میں نرسنگ کلاسزجلدشروع کرنےکی ہدایت کی۔

کابینہ نے ساہیوال میں رحمت اللعالمین بلاک کوساہیوال انسٹی ٹیوٹ آف کارڈیالوجی میں تبدیل کرنےکی منظوری دی۔

نگران وزیراعلیٰ نے کہا کہ ساہیوال میں 180بیڈزکاانسٹی ٹیوٹ آف کارڈیالوجی جلد فنکشنل کیاجائےگا۔

اجلاس میں داتا دربار کی تعمیر و مرمت اور توسیع کے پراجیکٹ کی منظوری بھی دی گئی،

نگران پنجاب کابینہ نے پولیس رولز کی ذیلی شقوں میں ترامیم کی بھی منظوری دی،مینجمنٹ پے سکیلز 2023 کو وفاقی حکومت کے برابر کرنے کی بھی منظوری دی گئی۔

Continue Reading
Click to comment

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

مقبول ترین