میزبان، اداکار و پروڈیوسر فہد مصطفیٰ کا کہنا ہے کہ سوشل میڈیا انفلوئنسرز اور ٹک ٹاکرز کانٹینٹ کے نام پر اپنے خاندان بیچ رہے ہیں۔
ایک ٹی وی شو میں فہد مصطفیٰ نے اپنے کیریئر اور دیگر امور پر کھل کر بات چیت کی۔
ایک سوال کا جواب دیتے ہوئے انکشاف کیا کہ وہ بہت جلد ہانیہ عامر کے ساتھ ایک فلم میں نظر آئیں گے۔
Fahad Mustafa in a recent interview while talking about Hania Amir revealed that the two are about to work together and upon being asked by Shoaib Akhtar the host of the show said that it might be for his very next film! Are you guys excited for this brand new pairing? pic.twitter.com/Q7jxQcz8Hf
— Pakistani Cinema (@PakistaniCinema) November 18, 2023
پروگرام کے دوران میزبان نے ٹک ٹاکرز اور انفلوئنسرز کی جانب سے فراہم کردہ کانٹینٹ کے حوالے سے سوال کیا تو اداکار ٹک ٹاکرز و انفلوئنسرز پر برس پڑے۔
View this post on Instagram
انہوں نے کہا کہ میری کون سی میراث ہے، مسئلہ میرا نہیں بلکہ ان کا خود کا ہے، کیونکہ میں پروڈیوسر بھی ہوں، میں ان لوگوں میں سے بہت سوں سے مل چکا ہوں اور یہاں ہمارے ملک میں کانٹینٹ لفظ کا بے دریغ استعمال کیا جاتا ہے۔
فہد مصطفیٰ نے کہا کہ آج کل سوشل میڈیا انفلوئنسرز، ٹک ٹاکرز، ہر کسی کو کانٹینٹ دینا ہے لیکن وہ کانٹینٹ نہیں بنا رہے بلکہ وہ کانٹینٹ کے نام پر اپنی فیملی بیچ رہے ہیں اور میں نہیں چاہتا کہ لوگ مجھے اس قسم کے کانٹینٹ کے لیے جانیں۔
انہوں نے ایک اور سوال کا جواب دیتے ہوئے کہا کہ میں اچھی کہانی سنا سکتا ہوں لیکن اپنے گھر کو نہیں بیچ سکتا، اپنے آپ کو نہیں بیچ سکتا، میں بہت سے لوگوں سے ملا ہوں جن کی بڑی فالوونگ ہے لیکن ان کو یہی سمجھ نہیں آتا کہ شوٹ کے لیے جاتے ہیں تو اس میں وقت لگتا ہے، مرحلے ہوتے ہیں، ان کو یہ دو، تین، آٹھ اور دس گھنٹے سمجھ ہی نہیں آتے اور کیوں آئیں، ان کا تو سیکنڈز کا کام ہوتا ہے۔
ٹک ٹاکرز و انفلوئنسرز کے ڈراموں میں کام کرنے کے حوالے سے بات کرتے ہوئے فہد مصطفیٰ نے کہا کہ جس کو کہانیاں سنانے کا شوق ہو یا جس کو کردار نبھانے کا شوق ہو وہی اس شعبے میں آئے جو یہ نہیں کر سکتا وہ اداکاری نہیں کر سکتا۔
