قومی کرکٹر وہاب ریاض انٹرنیشنل کرکٹ سے ریٹائرمنٹ کا اعلان کرتے ہوئے آبدیدہ ہوگئے، وہاب ریاض نے پی سی بی سے فیئرویل میچ کی بھی فرمائش کردی۔
وہاب ریاض نے ایک پریس کانفرنس میں انٹرنیشنل کرکٹ سے ریٹائرمنٹ کا اعلان کیا اوراس اعلان کے ساتھ ان کی آنکھوں میں نمی آ گئی۔
وہاب ریاض نے کہا کہ پی سی بی اور اپنی فیملی کا شکریہ ادا کرنا چاہتا ہوں، پہلے بھی کہا تھا کہ 2023 کے ورلڈ کپ کو دیکھ رہا ہوں،پاکستان کے پاس اس وقت بہت اچھا بالنگ اٹیک ہے، جس طرح کے بالرز پاکستان کے پاس ہیں میری جگہ ورلڈ کپ میں نہیں بنتی۔
وہاب ریاض نے کہا کہ انٹرنیشنل کرکٹ لیگز پر توجہ مرکوز رکھوں گا، شعیب اختر لیجنڈ ہیں ان سے میرا کوئی مقابلہ نہیں،2011 کھ کا ورلڈ کپ میرے لیے یادگار تھا۔
وہاب ریاض نے کہا کہ شین واٹسن کیخلاف اسپیل زندگی کا بہترین اسپیل تھا، پاکستان سمیت کہیں سے بھی کوچنگ کا موقع ملا تو خوشی ہوگی،پی سی بی کے ساتھ کام کرنے کا موقع ملا تو ضرور کروں گا۔
وہاب ریاض نے کہا کہ شکریہ کہنے کا وقت آگیا ہے ، شکریہ پاکستان کرکٹ بورڈ، پی سی بی کو چاہیے کھلاڑی کو فیئر ویل میچ ضرور کھلائیں۔
