برازیلین فٹبالر اور پی ایس جی کے سپر سٹار نیمار جونئیر نے سعودی پر و لیگ کے کلب الہلال سے معاہدہ کر لیا ہے،تاہم فرنچ کلب پی اسی جی کی جانب سے اس معاہدے کے حوالے سے کوئی خبرسامنے نہیں آسکی جبکہ سعودی میڈیا کے مطابق پی ایس جی کے سٹرائیکر نیمار جونئیر نے 2 سال کا معاہدہ طے پا گیا ہے۔
نیمار جونئیر نے 2017 میں فرنچ کلب پی ایس جی سے معاہدہ کیا ، 2017 میں 242 ملین ڈالرز کی ریکارڈ ٹرانسفر کے بعد نیمار نے بارسلونا کو خیر آباد کہہ کر فرنچ کلب پی ایس جی سے معاہدہ کیا تھا۔
فرانسیسی اخبار کے مطابق 31 سالہ نیمار نے سعودی کلب سے 175 میلن ڈالرز کا 2 سالہ معاہدہ کر لیا ہے اور جلد ہی انہیں شائقین کے سامنے بادشاہ فہد کے اسٹیڈیم میں پیش کیا جائے گا،الہلال کے کوچ جیارج جیسوس نیمار کو نمبر 10 جرسی میں دیکھنا چاہتے ہیں ۔
برازیلین فٹبالر نے پی ایس جی کی نمائندگی کرتے ہیں 173 میچوں میں 118 گول اسکور کئے اور 5 بار فرنچ فٹبال لیگ کا ٹائٹل اپنے نام کرنے میں کامیاب رہے۔
