ہاتھیوں کی وجہ سے ہونے والی انسانی اموات کو کم کرنے کے لیے ایپ لانچ کردی گئی

بھارت کی ریاست آسام نے ایک موبائل فون ایپ لانچ کی ہے جس کا مقصد جنگلی ہاتھیوں کی وجہ سے ہونے والی انسانی اموات کو کم کرنا ہے۔

ہاتھی ایپ لوگوں کو ہاتھیوں کے ریوڑ کے قریب آنے سے خبردار کرے گی تاکہ وہ راستے سے ہٹ جائیں۔
آسام ہندوستان میں ہاتھیوں کی سب سے بڑی آبادی میں سے ایک ہے اور ان کے باہم آمنے سامنے آنے وجہ سے ہاتھیوں اور انسانی اموات کی ایک بڑی تعداد ہے۔
جنگلی حیات کے تحفظ کے لیے کام کرنے والو ں کا کہنا ہے کہ ہاتھی آسام میں زیادہ جارحانہ ہوتے جا رہے ہیں کیونکہ ان کے مسکن سکڑ رہے ہیں، اور یہاں تک کہ ان کی روایتی قدرتی گزرگاہیں بھی انسانوں کی زد میں ہیں۔
مارچ میں ہندوستان ٹائمز میں شائع سرکاری اعداد و شمار کے مطابق، 2020 سے 2024 تک ہندوستان میں ہاتھیوں کے ہاتھوں 1,701 افراد ہلاک ہوئے۔
آسام میں شروع کی گئی ایپ کو شمال مشرقی ہندوستان میں حیاتیاتی تنوع کی تنظیم آرنیاک نے تیار کیا ہے۔
اس میں ایک فارم بھی شامل ہے جو متاثرین اور ان کے لواحقین کو جانوروں کے حملے کے نتیجے میں زخمی ہونے یا موت کی صورت میں مقامی حکومت سے معاوضہ لینے کے قابل بناتا ہے۔
وائلڈ لائف چیریٹی ڈبلیو ڈبلیو ایف کے مطابق، جنگل میں 50,000 سے کم ایشیائی ہاتھی باقی رہ گئے ہیں۔ گروپ کا اندازہ ہے کہ ہندوستان میں ہر سال 50 لاکھ خاندان فصلوں پر حملہ کرنے والے ہاتھیوں سے متاثر ہوتے ہیں۔