چیف جسٹس مدت ملازمت میں توسیع نہیں چاہتے، اس متعلق بار بار بات کرنا مناسب نہیں، وفاقی وزیر قانون

وفاقی وزیرقانون اعظم نذیر تارڑ نے کہا ہے کہ چیف جسٹس سپریم کورٹ مدت ملازمت میں توسیع کے خواہشمند نہیں،
چیف جسٹس سپریم کورٹ کا اس حوالےسے مؤقف واضح ہے۔

وفاقی وزیرقانون اعظم نذیر تارڑ نے اسلام آباد میں میڈیا سے گفتگو کرتے ہوئے کہا کہ کئی بار وضاحت کرچکا ہوں چیف جسٹس اس سلسلے میں واضح مؤقف رکھتے ہیں،چیف جسٹس سے میری اور اٹارنی جنرل کی ملاقات ہوئی،چیف جسٹس نے واضح کہہ دیا تھا وہ کسی قسم کی توسیع میں دلچسپی نہیں رکھتے۔

وفاقی وزیرقانون نے کہا کہ یہ باتیں تب ہوں گی جب نمبرز ہوں گے،حکومت کے پاس ترمیم کیلئے دوتہائی اکثریت نہیں،چیف جسٹس پاکستان کی توسیع پر بار،بار بات کرنا نامناسب ہے،چیف جسٹس ایک باعزت شخصیت ہیں،اس بارے میں بات چھوڑ دینی چاہئے۔

اعظم نذیرتارڑ نے کہا کہ میڈیا سمیت دیگر پلیٹ فارمز پر اس قسم کی باتیں نہیں ہونی چاہئیں۔