جیل انتظامیہ مجھے بیٹوں سے بات نہیں کرنے دے رہی، عمران خان نے درخواست دائر کردی

انسداد دہشتگردی عدالت راولپنڈی میں بانی پی ٹی آئی نے بیٹوں سے بات نہ کرانے کیخلاف درخواست دائر کر دی ۔۔ عدالت نے بانی پی ٹی آئی کی درخواست پر جیل انتظامیہ کو نوٹس جاری کر دیا ۔۔

انسداد دہشتگردی عدالت درخواست پر جیل انتظامیہ سے تین جولائی کو جواب طلب کر لیا، بانی پی ٹی آئی کی درخواست ان کے وکلاء ایڈووکیٹ راجہ نبیل اور عاقل خان نے دائر کی۔
درخواست پر سماعت اے ٹی سی راولپنڈی کے جج ملک اعجاز آصف نے سماعت کی، درخواست میں کہا گیاہے کہ بچوں سے بات کرنے کیلئے جیل انتظامیہ نے کوئی انتظام نہیں کیا، بچوں سے رابطہ کرنا میرا آئینی اور قانونی حق ہے، جیل سپرنٹنڈنٹ کی طرف سے کوئی سہولت نہیں دی گئی۔

بانی پی ٹی آئی نے موقف اپنایا ہے کہ اپنے بیٹوں قاسم خان اور سلمان خان سے بات کرنا چاہتا ہوں، بیٹوں سے گفتگو کیلئے وٹس اپ کی سہولت بھی فراہم نہیں کی جارہی۔