خیبرپختونخوا حکومت نے سوشل میڈیا ڈائریکٹوریٹ قائم کرنے کے لیے قواعد و ضوابط پر کام شروع کردیا

خیبرپختونخوا حکومت نے سرکاری سطح پر سوشل میڈیا سیل پھر سے شروع کرنے کا فیصلہ کیا ہے، سوشل میڈیا منصوبے کو قانونی تحفظ دینے پر کام شروع کردیا گیا ہے۔قواعد وضوابط وزرات قانون کو ارسال کردیئے گئے۔سرکاری سوشل میڈیا کےلئے سوشل میڈیا ڈائریکٹریٹ قائم کیا جائے گا۔
سوشل میڈیا منصوبے کے تحت انفلوئنسرز کو حکومتی تشہیر کے مشن دیئے جائیں گے،تحریک انصاف کی گزشتہ حکومت نے1200 سے زائد انفلوئنسرز کو ہائر کیا تھا لیکن منصوبے کو نگران حکومت نے ختم کیا تھا،نگران حکومت نے سابق حکومت کے سوشل میڈیا منصوبے کیخلاف کارروائی کی سفارش بھی کی تھی۔

ترجمان خیبرپختونخوا حکومت بیرسٹر سیف کا کہنا ہے کہ اس طرح کا منصوبہ فی الحال زیرغور نہیں ہے،ضرورت پڑی تو منصونہ شروع کرنے پر غور کر سکتے ہیں۔