وزارت داخلہ نے غیرقانونی مقیم غیرملکیوں کے سہولت کاروں کے لیے بھی وارننگ جاری کردی

وزارت داخلہ نے غیر قانونی مقیم افراد کے سہولت کاروں کے لیے وارننگ جاری کردی۔

وزارتِ داخلہ نے خبردار کیا ہے کہ غیر قانونی مقیم غیر ملکیوں کو روزگار فراہم نہ کیا جائے اور نہ ہی غیر قانونی رہائشی غیر ملکی فرد کی ملازمت حاصل کرنے میں مدد کی جائے۔

وزارت داخلہ نے کہا کہ غیر قانونی غیر ملکی یا اسے ملازمت فراہم کرنے والے شخص کے بارے میں معلومات وزارت داخلہ کی ہیلپ لائن پر فراہم کریں ۔ پاکستان میں مقیم افغان شہریوں کو خبردار کیا جاتا ہے کہ پاکستان کی سیاسی  و انتخابی سرگرمیوں میں کسی بھی امیدوار کی مدد کرنا یا فنڈنگ ​​فراہم کرنا غیر قانونی ہے۔

وزارت داخلہ نے خبردار کیا کہ  ایسی سرگرمیوں میں ملوث کسی بھی افغان شہری کو پاکستان میں قانونی حیثیت سے قطع نظر ملک بدر کر دیا جائے گا۔